Parla Talian: Un Omàgio – a domingos Caldart – Picolo Simitero

0

Zera na olta…intorno de 1877
Un mucio de gente, con un mucio de sogni.
San Martin ntei brassi e con idèe ntela testa.
Una idèa zera MI.
E quà i se ga fermà, quà i ga piandesto e quà i ga deposità tuti i so sogni.
Ma ze vegnesto note, vegnesto di, vegnesto el vento e vegnesto el fredo, vegnesto la fame, e vegnesto niente… E lora i ga piandesto. Le làcrime se ga mescola a la tera el sudor ga fato butar la semensa e tuto scuminsià scopiar.
E ze vegnesto la malatia e no ze vegnesto la cura…
Mi zera na IDÈA… la despedida… Alora son scopiada!!
E cosi scomìnsia la me stòria!
Mi son el primo de quatro… I dize anca che son el pi vècia dela region.
Par me preservar, ne ga messo intorno una taipa. Magari guera sol quel (sasi)

Ne ga spartio in due parte: El limbo…Tanti tosatèi i nassea morti e no i polea mia esser batesadi e secondo la lege dei omi, tochea esser sapolidi ntel limbo. Un posto scuro par tuta la eternità. Anca ntel limbo, zera sapolidi quei incrèdoli, quei che se copea. Zera cosi… Ma mi li go acoliesti nte uno cantoneto, parche mi credo che Dio nela so infinita bontà, polea perdonarli. Mi speto che si.
In meso, i ga fato su un monumento de sassi… Un sasso sora altro… sensa cimento. Ma mi lo go mai assà cascar. Go fato un acordo con el vento e el tempo. Gò idèa che ga dato gusto! El ze là in pie, fin el di de oncoi.