Parla Talian: 150 ani dela imigrassion taliana nel Rio Grande do Sul – Parlemo Sora Sixto Rosseto

Na vita de fede, coràgio e radìse: el viagio de Sixto Rosseto, el omo che gà lassà impronta ntela nostra stòria

Lorete Calza Paludo

agosto 11, 2025

Cisto Rosseto, ze nassesto nel ano de 1833, nela cità de Ronco, Provìnssia de Verona, che zera domínio de Lombardo-Véneto, Italia. El zera gusador e colono. Un omo picolo, moro de ocii e cavei castagni.

Cola etá de 29 ani, e scápolo, el gà resolvesto far na peregrinassion a la Tera Santa, Jerusalem, ntela Palestina, par cognosser i posti ndove Nostro Segnor Jesù Cristo, el gavea passà.