(Foto: Reprodução)
La prima tragèdia del imigrante zera ndove far su la casa e ndove laorar la tera par ver cossa magnar. De scomìnsio, imigranti ga fato su na casa provisória, che le zera fate cole tacoare o legno rùstego par le parede tanto rento come de fora. Zera cuerte com paia de masega, o nantro arbusto che se ciamea “coa de mul”.
Dopo de organizade la piantason, se i avesse poder i scuminsiea la costrussion definitiva de la casa.
Nte quela época no aveva architeti e gnanca engegneri. El imigrante bisognea aver criatività e far come el savea, o come el se ricordea dela Itàlia.
Foto: Reprodução
In general ste case zera fate ntele encoste, mai ntele Planìsie. Parche i avea la preocupassion cola cantina, che la servia par meter via le semense, par mantegner el magnar fresco, par copamento de le bèstie, far el vin e la graspa. la construssion la evitava i ateri, par la organisassion dela cantina.
Foto: Reprodução
Le case le zera grande. La cosina zera spartia dei quarti de dormir. Dere volte par un alpendre o anca sol spartia, parchè i avea paura de ciapar fogo. Le case zera querte de scàndole de serno. Le tole, sataroni e colone de pin zera fate a man.
Le case zera grande cola sala granda e anca tanti quarti parche le fameie zera numerose, ntel sufitoi fea quarti e anca i metea via el milho, formento e altre robe.
Le mobílie zera fate a man cola manera, segoto, scaiarol, martel e ciodi.
La tàola zera fata con due tole largue.
Foto: Reprodução
Par sentarse i fea la banca de tola. Quei che podea i fea caregue , revestide de paia de masegue. Darente el fogolaro gue zera i Scàmni, par sentarse e scaldarse banda el fogo, ntel inverno. La mobília dei quarti anca zera fata tuta a man.
I primi imigrante no i cognosea el fogon, sol i fogolari o fogoler. Par cosinar el magnar le pignate zera tacade su, con na cadena.
E de questa maniera i nostri imigranti ga scumìnsia la vita. Tanto laoro, fede e speransa.
