176

(Foto: Reprodução)

Le tere consedide ai taliani le zera magre e pòvere. Le gaveva sol na fina feta de umos, che la foresta vèrgine ga acumulà traverso sèculi. Ma el nostro imigrante bisognea viver, e de quela tera povereta tirar fora el so magnar. No i recevea del Stado (Stado Pòvero) qualche ricorso, iniciativa, gnanca protession e assistensa.

Nel scomìnsio de la colonizassion el imigrante guadagnea del stado, um loto de tera, feramente, bèstie e somense, magnar e qualche toston. Ma, em 1854 ga scambia la lege e la colonizassion, de li avanti les sta fato de nantra maneira. La tera zera vendesta e anca le feramente co la indenizassion de cinque ani par pagar el dèbito. Questa nova lege les stata aplicada al nostro imigrante italiano.

La colonizassion taliana la ze stata la manco afortunada parche i ga catà le tere meio belche abitade. Ga vansà par lori, i monti, vali e mato.

Cosi, el colono incolto e aspro ntela so batàlia par viver, el ga devasta, e brusà ntel scomìnsio sensa un método e gnanca prudência, butando via el poco de tesoro de la fertilitá che questa tera la gavea.

Destruta la foresta, la tera restada povereta e la erosion ga tomà conta. Tanti dissendenti dei imigranti ndati via par Altri posti vissini e dopo par tere distante e anca par Altri Stadi, spaiando cosi, i bravi imigranti in tuti i recanti del nostro Stado.

Questa gente spaliada par tuto el Stado i fea qualche laoro par trionfar e prosperar e de quela maneira fortificar la agricultura, la indústria e el comèrsio.

I taliani se ga dedicai a la policultura. I tirava de la tera quel qhe ghe ocorea par la so soprevivensa e i vendea la vansadura. I vignai, el milho e el formento zera i produti pi cultivai ntel scomìnsio. Con questo i garantia el magnar par lori e par le bèstie. De quela maneira i ga sleva tanti porchi e i vendea la bagna ntele case de negócio.

Tanti imigranti e so fioi, ga dassa la tera in banda e ndati fare l ofissio ntele cità, fando laori che i fea in Italia i ga proporsionà el miràcol del progresso.