9 
Un giorno, ntel ònibus che ndea a Cassia el zera pien che mai. Inte quela, nte na fermada ze ndà rento un ciuco. Na spussa de caciassa, robe che tuti i tresse indrio e par sora el se gavea gomità dosso. Madona mia! Tuti i se vardea, ma nissun parlea gnente. De là un pochetin sto ciuco el ga scominsià parlar lu sol:
– Se…s…s..se me pare el fusse stà un porco e la me…me…me mama na porca, mi…mi…mi sa…s…s…saria un porcheto.
La gente i ga scominsià a rider intrà de lori a sentir quel poro ciuco a parlar cossita.
De là nantro tochetin el ga seità nantra volta:
– Se…s…s…se me pare el fusse stà un gato e la me…me…me mama na gata, mi sa…s…s…saria un gatin.
Nantra ridada ntel ònibus, sol de scoltar quel maledeto. Ma qualche dun anca scominsiea a restar cola testa sgionfa.
De là nantri due, tre chilòmetri, el vien fora co nantra:
– Se…s…s…se me pare el fusse stà un mareco e la me…me…me mama fusse na mareca, mi saria un marecheto.
De là nantro tocheto:
– Se…s…s…se me pare fusse stà un can e la me…me…me… me mama na cagna, mi saria un cagneto.
El sofero el ga visto che la gente la zera belche drio restar col saco pien e el ghe ga dito al cobrador che ndesse là parlar col ciuco. Quando el cobrador del ònibus l’era drio rivar darente, le vegnesto fora con nantra:
– Se…s…s… se me pare fusse stà un papagal e la me…me…me…me mama na papagala, mi saria un papagaleto.
Alora el cobrador del ònibus, che l’era belche rosso dela ràbia, el ghe ga dimandà:
– E se to pare el fusse stà un ladron e la to mama na putana, cossa sarìssito?
– Alora mi…mi…mi…. mi saria el cobrador del ònibus.
El Tòrcio
TÒRCIO era o nome que se dava ao engenho antigo de madeira para moer cana. Como se vê na figura, ele possuía três cilindros de madeira. O cilindro central era impulsionado por uma junta de bois que andavam ao redor do engenho e o mesmo impulsionava os outros dois cilindros, pois os três possuíam engrenagens. A cana era introduzida nos cilindros de onde saía o suco que servia para fazer o melado e o açúcar preto. Em Veranópolis havia um engenho e os cilindros eram feitos de pedra.
Sol par rider
Te sè che i mati i ga tuti la so mania, la so idea fissa. Sucede, che ghen era un mato che el disea che lu el zera un ventilador. E un giorno el zera là ntel cortivo che el girava, e in torno de sto mato, ghe zera na trupeta de mati che i ghe fea la varda. Alora, el diretor l’ospìssio el ze ndà e el ghe ga dimandà ai mati:
– Cossa zelo drio far quel mato lì?
Un dei mati el ghe ga respondesto:
– El ze drio ndar torno parché el ga dito che lu el ze un ventilador.
– Si, ma e valtri sio drio far che qua?
– Semo drio ciapar vento, parché ze massa caldo.
(Foto: Reprodução)
