Parla Talian: Sito de Acordo?

Na storièla de casamento che la mostra come Zenèsio, drio i conseji de la mama, el vol viver da maridà come da scapolo; ma la sposa Zenaide la ghe fa capir che anca ela la ga i so costumi e le so volontà

Ivo Gasparin

outubro 3, 2025

Due o tre giorni vanti che Zenèsio el se maridasse, la so mama lo ga ciamà e la ghe ga dito:

– Varda, Zenèsio, vui dirte sol na roba: dopo de maridà, no stà mia assarte comandar par la fémena èh, che la ze la roba pi trista del mondo, un omo esser comandà par la fémena. Bisogna che te continui giugar el to futibol, giugar le carte, ndar in volta coi tui amighi e così vanti. Bisogna che te fei tuto come se no te fussi maridà.